15 av spelarane var representerte.

1. Presentasjon av trenarteam
Kjetil Goksøyr vert ny hovedtrenar frå dags dato. Geir Jostein Stenersen vert hjelpetrenar, og det vert jobba med å få inn ein hjelpetrenar til. Kjetil Goksøyr er lærar av yrke, og har allsidig erfaring frå fotball. Han har sjølv spelt på Bergsøy, og har tidlegare trena fleire lag, smågutte-, gutte-, junior-, dame- og A-lag.

Frå no av gir de beskjed til Kjetil G. om forfall o.l.

2. 2012 så langt
Starten på 2012 har vore prega av satsinga på å kvalifisere seg til 1-divisjon. Det har derfor ikkje vorte så mykje speletid på alle, men dette vil vi prøve på å få betre til etterkvart. Første kvalik-kampen vart dessverre ein stor skuffelse. Tapte 0-6, og dermed vil det bli svært vanskeleg å kvalifisere seg til 1-div.

Forslaget til påmelding av lag, var eit 11-lag (antakeleg i 2-div), og eit 7-arlag i Gutte 16. Det kunne vore ønskjeleg at vi hadde greidd å melde opp eit 7-arlag i Gutte 14 i staden, altså for dei som er fødde i -98. Problemet her er det er få att frå -98gjengen, og ein burde ha nokon som tok ansvar for å sjå om ein greidde å få attende nokon av dei som har slutta. Dette var ikkje mogleg, og det vart derfor Gutte 16.

Det vart nemnt at for gutane fødde i -98, har overgangen frå å vere eit lag aleine, til å bli slått saman med -97, og no også med -96, vore stor. Frå kanskje ei trening og ein kamp i veka, til trening og kamp opptil 6 gonger pr veke.

Spørsmål om kva treningstider det vert framover, dette veit vi ikkje heilt enda, men køyrer desse tidene utover vårparten i alle fall.

Flott å ha faste treningstider! :-)

3. Val av oppmenn/lagsleiarar.
Liv Kristin Aarset og Andre Søvik vart valde. Desse bestemmer sjølve saman med Kjetil G., korleis dei fordelar arbeide sitt.

4. Økonomi
Heidi orienterte om dette. Vi har 36 000 på konto, her har dei tre laga ulike summar. Spørsmålet her er korleis ein skal løyse dette, og det vart bestemt at kvart årstrinn brukar av «sine» pengar til cup o.l, medan det som kjem inn heretter er felles. Her burde kanskje lagast ein felles strategi for korleis ein skal gjere dette i framtida. Det er svært ulik praksis på dette.

Heidi Enge Langlo ble valgt, og fortsetter som økonomiansvarleg.

5. Kiosk
Bør ha iallefall ein, og helst to kioskansvarlege.
Beate Kvalsvik Frantzen og Eva Kvalsvik Vestnes vart valde. Lena Sævik kan delta frå hausten.
Inntil vidare skal vi fortsette å handle på Spar.
Viktig å ha kiosk, vi tenar faktisk litt på det, og det betyr også mykje for stemninga på og rundt bana.

6. Cup
Alle må få komme med sitt når det gjeld ønske om cup, det er lett at nokon få får gjennomslag for sine ønskje.
14-15 april er vi påmeldt på G-sportcup i Volda. Ein utandørs cup, og fin gjennomkøyring til seriestart.

Kva ønskje har vi når det gjeld cupar? Må det nødvendigvis vere Norway Cup? Kva med Scandia Cup i Trondheim 30 juni? Denne vert nok uaktuell i år, i og med at det kolliderer med 4H treff og korpstur for dei frå Kvalsvika, men kanskje er det eit alternativ neste år, og ein kan planlegge utifrå dette.

Vi har også Dana Cup i veke 30 som er eit alternativ, vi skal sjekke opp både påmeldingsfristar og prisar. Kor mange lag vi stiller med, er avhengig av antal påmeldingar. I fjor vart det litt uheldig, i og med at fleire melde seg på etter fristen. Det vart dermed for mange på kvart lag, med tilsvarande mindre speletid. Dette må vi ha klart ved påmelding.

Førdecup i november er godt innarbeidd i Bergsøy, men bør vi kanskje ha ein cup (i tillegg?) der vi spelar 11ar?

Alt i alt vart det slått ein slutt i at vi pratar litt med spelarane kva dei ønskjer på neste trening, men i det store og heile får trenarar og sportsleg leiar ta ei avgjerdsle på dette.

Ein del helgar er opptatt framover. -97gjengen skal konfirmere seg 6 og 13 mai, og det er ellers konfirmantdagar i byrjinga av mars. Dersom nokon veit fellesting som kan kollidere med  cupar, kampar o.l,  gi beskjed til Kjetil G, eller nokon av dei andre ansvarlege på laget.

7. Ymse
Dugnad. Bør vi ta på oss litt ekstra jobbing for å tene litt pengar om vi kan? T.d båtvaskar er godt betalt. No veit vi at -97 kullet har mykje dugnadar allereie i forbindelse med skuletur i tiande, og stemninga er litt opp og ned for ekstra arbeid. Vi foreslår at dersom nokon kjem over noko vi kan tene litt på, tek de kontakt, så vurderar vi etterkvart.

Ref. Liv K. Aarseth